Lıýksembýrg Qazaqstanǵa offshorlyq shottar týraly aqparat usynatyn bolady - B. Jámishev
ASTANA. 25 qyrkúıek. QazAqparat - Lıýksembýrg Qazaqstanǵa offshorlyq shottar týraly aqparat usynatyn bolady.
Bul týraly búgin Májiliste Qarjy mınıstri Bolat Jámishev málim etti. Eske salsaq, Parlament Májilisiniń jalpy otyrysynda palata depýtattary Qazaqstan men Lıýksembýrg Uly Gertsogtigi arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaýǵa baǵyttalǵan qujatty maquldaǵan bolatyn.
Qarjy mınıstriniń aıtýynsha, atalmysh konventsııany qabyldaý arqyly eki el arasyndaǵy qosarlanǵan salyq salý joıylyp, memleketter qarajatty jymqyrý, onyń ishinde offshorlyq shottar týraly aqparattar almasa alady. Sonymen qatar, B. Jámishev Eýropalyq odaqtyń belsendi túrde offshorly elderge qysym jasap otyrǵanyn, olardyń zańnamasyn ózgertý arqyly ashyqtyqqa ıtermelep jatqanyn málimdedi.
«Al atalǵan konventsııa mundaı baǵyttaǵy qandaı da bir aqparat almasýda alyp qoıýlardy qarastyrmaıdy, aqparat úshin banktik nemese basqa da qupııalar bolmaıdy. Olar tarapynan da bizdiń tarapymyzdan da suralǵan qandaı da bir aqparat ýákiletti organdar arasynda usynylatyn bolady. Eń bastysy, Konventsııanyń negizgi maqsaty - Qazaqstanǵa aıtarlyqtaı ınvestıtsııanyń aǵylýyna jaǵdaı jasaý», - deıdi Bolat Jámishev.
