Lıýdmıla Pýtına ajyrasýdan keıin qandaı múlikti ıelenedi?
ASTANA. 8 maýsym. QazAqparat - Reseı Prezıdenti Vladımır Pýtın 6 maýsym kúni keshke óz jubaıy Lıýdmıla Pýtınamen ajyrasatyny týraly málim etti, dep habarlaıdy RBK.
Erli-zaıyptylar nekede 30 jyl ómir súrgen. Olar 1983 jyly 28 shildede úılengen bolatyn. Otbasynda eki qyzy bar - Marııa jáne Ekaterına.
2012 jylǵy tabystary týraly deklaratsııasyna sáıkes, RF prezıdentiniń jekemenshiginde Sankt-Peterbýrgtegi aýmaǵy 77 sharshy metr bolatyn páter, sondaı-aq, Máskeý oblysyndaǵy aýdany 1500 sharshy metr jer telimi jáne aýdany 18 sharshy metr garaj bar. Sondaı-aq, Vladımır Pýtınniń qoldanýynda aýdany 153,7 sharshy metr páter jáne garajdyq oryn bar. Tabysy týraly deklaratsııasyna sáıkes, prezıdent jubaıy Lıýdmıla Pýtınanyń jekemenshiginde eshteńe joq.
Ajyrasqannan keıin Lıýdmıla Pýtına erli-zaıyptylardyń birge ómir súrgen kezindegi jyldarda satyp alynǵan múliktiń jartysyn ıemdenýge úmitti.
