Lıýbov Kovalchýk aýyr atletıkadan Qazaqstan chempıony atandy
ASTANA. KAZINFORM — Astanada Qazaqstannyń aýyr atletıka chempıonaty jalǵasyp jatyr. Altynshy jarys kúni eń áserli óner kórsetý áıelder arasynda, 110 kg salmaqtan joǵary kategorııada ótti.
Qazaqstan chempıony ataǵyn Qaraǵandylyq Lıýbov Kovalchýk jeńip aldy. Ol 260 kg salmaqty kóterdi.
Kúmis júldeni Qyzylordalyq Aısamal Sansyzbaeva aldy. Ol 210 kg kóterdi. Aısamal 2023 jylǵy jasóspirimder arasyndaǵy álem chempıonatynyń kúmis júldegeri.
Qola júldeni eki sportshy bólisti: Jetisýlyq Aıda Ibraım jáne Qyzylordalyq Dınara Qypshaqbaı, ekeýi de 207 kelini kóterdi.
86 kelige deıingi salmaqta Almatylyq Sánııa Ormanbaeva jeńiske jetti. Ol eki jattyǵý boıynsha jalpy 207 kelini kóterdi.
Kúmis júldeni Qaraǵandylyq Aısha Omarova ıelendi, onyń nátıjesi 206 keli.
Úshinshi orynǵa Aqmola oblysynan Vıktorııa Novıkova ıe boldy, onyń jalpy kótergen salmaǵy 201 keli.
Aıta ketelik Qazaqstan aýyr atletıka federatsııasy dopıngke qarsy baqylaýdy kúsheıtkeni týraly jazǵan edik.