Lıýbov Kovalchýk Islam yntymaqtastyǵy oıyndarynda kúmis júlde enshiledi

ASTANA. KAZINFORM — Qazaqstandyq ziltemirshi Lıýbov Kovalchýk Er-Rııadta (Saýd Arabııasy) ótip jatqan Islam yntymaqtastyǵy oıyndarynda taǵy bir kúmis medalǵa ıe boldy, dep habarlaıdy Ulttyq olımpıada komıtetiniń baspasóz qyzmeti.

Komıtet málimetinshe, otandasymyz 86 keliden joǵary salmaqta el namysyn qorǵady. 

Kovalchýk serpe kóterýde 150 kelini eńserip, kúmisten alqa taqty.

Budan buryn aýyr atlet Artem Antropov Islam yntymaqtastyǵy oıyndarynda qola júlde alǵanyn jazǵan edik.

Al keshe karateden Qazaqstan quramasynyń ókili Nıkıta Tarnakın Er-Rııadtaǵy (Saýd Arabııasy) Islam yntymaqtastyǵy oıyndarynyń jeńimpazy atandy.