«LV Force» qarjy pıramıdasyn uıymdastyrýshy ustaldy

NUR-SULTAN. QazAqparat - Osydan buryn habarlanǵandaı, Aqmola oblysy boıynsha Qarjylyq monıtorıng agenttiginiń aýmaqtyq departamenti «LV Force» qarjy pıramıdasyn uıymdastyrýshylarǵa qatysty qylmystyq isti tergep jatyr, dep habarlaıdy QazAqparat.

Agenttiktiń baspasóz qyzmetiniń habarlaýynsha, búgingi tańda elimizdiń 8 óńirinde qarjy pıramıdasynyń fılıaldary jabylyp, bas uıymdastyrýshy ustaldy.

Jańa salymshylardyń jarnalary esebinen zańsyz baıytýdyń qylmystyq shemasyna azamattar úgit-nasıhat jáne messendjerler men elektrondyq poshtalar arqyly habarlamalar jiberý arqyly tartylǵan.

Agenttik azamattardy abaı bolýǵa jáne qysqa merzimde ústeme paıda alýdyń kúmándi usynystarynan bas tartýǵa shaqyrady.

«Qurmetti azamattar! Eger Siz nemese Sizdiń jaqyndaryńyz «LV Force» qarjy pıramıdasynyń qyzmetinen zardap shekken bolsa, Aqmola oblysy boıynsha ETD telefonyna habarlasýyńyzdy suraımyz+7 7162 25 62 84, [phone]. Qalalardyń basqa aımaqtarynyń turǵyndary turǵylyqty jeri boıynsha QMA aýmaqtyq Ekonomıkalyq tergep-tekserý departamentterine habarlasa alady»,-delingen Qarjylyq monıtorıng agenttiginiń baspasóz qyzmeti taratqan aqparatta.