Lýjkovqa demalys ótemaqysy retinde 3 mln. rýbl tólendi
ASTANA. Qazannyń 22-si. QazAqparat - Máskeýdiń burynǵy meri ıÝrıı Lýjkov laýazymynan ketkennen keıin demalys ótemaqysy retinde 3 mln. rýblge tarta aqsha aldy. Bul týraly resmı BAQ ókilderi jazyp otyr.
Máskeý úkimetindegi derekkózdiń túsindirýinshe, astanadaǵy memlekettik qyzmetker eńbek demalysyna shyqqannan keıin memlekettik qyzmette eńbek etken jyldaryna jáne jalaqysyna baılanysty bir rettik ótemaqy alý múmkindigi bar. Sonymen qatar mundaı aqsha kólemi qyzmetkerdiń aı saıynǵy eńbekaqysynyń on eselengen kóleminen aspaýy tıis.
"Komsomolskaıa pravda" gazetiniń málimeti boıynsha, Lýjkovtiń Máskeý meri bolyp turǵan kezdegi eńbekaqysy aıyna 300 myń rýbl shamasynda bolǵan. Osy eseppen alǵanda ıÝrıı Mıhaılovıch bir rettik demalys ótemaqysyna on aılyq jalaqysyn alyp otyr.
