Lýjkov jeke zattaryn alyp ketý úshin merııaǵa keldi
ASTANA. Qyrkúıektiń 29-y. QazAqparat - Máskeýdiń burynǵy meri ıÝrıı Lýjkov jeke zattaryn alyp ketý úshin merııaǵa keldi, dep habarlaıdy Vestı.Rý.
Saıasatker Tverskoı 13-tegi burynǵy jumys ornyna tańǵy saǵat 7:55-te, Dmıtrıı Medvedevtiń ony qala meri qyzmetinen bosatý jónindegi jarlyǵynyń shyqqanyna týra bir táýlik ótkende keldi.
«Interfaksqa» bergen suhbatynda Lýjkov, merııaǵa apta sońyna deıin kelip-ketetinin jetkizdi. «Jeke zattarymdy jınastyrý úshin maǵan birneshe kún kerek. Meniń, tek qana nagradalarymnyń ózi birneshe shkaf bolady», - dep atap ótti Lýjkov.
ıÝrıı Lýjkovty qyzmetinen bosatý týraly jarlyq seısenbi kúni tańerteń jarııalandy. Otstavkanyń sebebi - memleket basshysynyń senimin joǵaltýy. Lýjkov óziniń otstavkaǵa ketkenin jumys ornyna kelgende ǵana bilgen.
«Reseıdiń eń joǵary laýazymdy tulǵasy - prezıdent senim bildirmegen jaǵdaıda gýbernatordyń jumys jasaýyn kóz aldyńyzǵa elestetý óte qıyn. Mine, dál osy jaǵdaı oryn aldy», - dedi Dmıtrıı Medvedev jornalshylarǵa. Lýjkovtyń otstavkasyn aıtyp jatatyn esh nárse joq. «Óıteni, onyń sebebi - jarlyqtyń ózinde aıtylyp tur. Bul, meniń Reseı Federatsııasynyń Prezıdenti retinde, ıÝrıı Mıhaılovıch Lýjkovqa senimim joǵaldy degendi kórsetedi, al qoldanystaǵy zań senim joǵalǵan jaǵdaıda qyzmetten bosatýǵa tikeleı quqyq beredi», - dep málimdedi Medvedev.
Máskeý meriniń ýaqytsha mindetin atqarýshy bolyp astana qurylys keshenine basshylyq etetin 74 jastaǵy Vladımır Resın taǵaıyndaldy. Ol jańa basshy qyzmettik mindetine kiriskenge deıin merııaǵa jetekshilik etedi.
