Lývrdan urlanǵan áshekeıler saqtandyrylmaǵan bolyp shyqty

ASTANA. KAZINFORM — Frantsııa úkimeti Lývr murajaıynda urlanǵan baǵaly buıymdardyń saqtandyrylmaǵanyn rastady, dep habarlaıdy BELTA aqparat agenttigi.

Financial Times basylymy jazyp ótkendeı, Frantsııanyń Mádenıet mınıstrligi el úkimeti urlanǵan jádigerlerdiń ornyna ótemaqy almaıtynyn málimdegen.

— Ulttyq murajaılardaǵy týyndylar ózderiniń turaqty saqtaý oryndarynda turǵan kezde, memleket ózi saqtandyrýshy rólin atqarady, — dedi mınıstrlik ókili Le Parisien gazetine bergen suhbatynda.

Onyń aıtýynsha, mundaı saqtandyrýdyń quny óte joǵary, al «táýekel deńgeıi tómen». Sondyqtan murajaılar qymbat jádigerlerdi bir-birine ýaqytsha berý nemese olardy basqa orynǵa kóshirý kezinde ǵana saqtandyrý rásimdeıdi.

Saqtandyrý naryǵy sarapshylarynyń sózinshe, Lývr sııaqty iri mekeme úshin búkil kollektsııany tolyqtaı saqtandyrý is júzinde múmkin emes. Mysaly, Leonardo da Vınchıdiń «Mona Lızasy» nemese «Tanıstik Uly Sfınks» sekildi qundylyqtardy naqty baǵalaý múmkin emes.

Sarapshylar málim etkendeı, uqsas jaǵdaı 2019 jyly órtengen Parıjdegi Notr-Dam soboryn qalpyna keltirý kezinde de bolǵan — sol kezde negizgi shyǵyndy Frantsııa úkimeti óz moınyna alǵan.

Buǵan deıin Parıjde Lývr murajaıynda baǵaly buıymdar urlanǵany habarlanǵan edi.

Frantsııa prezıdenti Emmanıýel Makron Lývrdaǵy zergerlik buıymdardyń urlanǵanyna jaýap berip, olardyń qaıtarylyp, kináliler jaýapqa tartylatynyn aıtty.

Al osydan buryn Dýrov Lývrdan urlanǵan zergerlik buıymdardy satyp alýǵa daıyn ekenin atap ótti.

Atyshýly isti tergeý qalaı júrip jatqanyn myna materıaldan oqı alasyz.