Lývrdaǵy Ózbekstan mýzeıleriniń kórmesine qyzyǵýshylar qatary qalyń

TAShKENT. QazAqparat – Parıjdegi Ózbekstan murajaılarynyń eki iri kórmesi Eýropa jurtshylyǵynyń zor qyzyǵýshylyǵyn týdyrdy, dep habarlaıdy QazAqparat menshikti tilshisi Ózbekstan Respýblıkasynyń Mádenıet pen ónerdi damytý qoryna silteme jasap.

23 qarashadan bastap Parıjdegi Lývr murajaıynda «Ózbekstan oazısteriniń qazynalary. Kerýen joldarynyń qıylysynda» dep atalatyn kórme ashyldy. Ol qazirgi Ózbekstannyń ońtústik bóligi arqyly ótken Uly Jibek jolynyń tarıhy týraly baıandaıdy. Eksponattar bizdiń dáýirimizge deıingi V-VI ǵasyrlardy, ıaǵnı Tımýrıdter kezeńine deıingi zamandy qamtıdy.

Ózbekstannyń tarıhy men mádenı ómirin beıneleıtin jádigerlerdi tamashalaý úshin Lývrǵa kún saıyn 20 myń adam kirip jatyr. Kórmege 169 eksponat, atap aıtqanda Ózbekstannyń 16 murajaıynan 138, sondaı-aq álemniń jetekshi murajaılarynan 31 jádiger qoıylǵan. Kórme keler jyldyń naýryz aıyna deıin jalǵasady.

«Samarqandqa jol. Jibek pen altynnyń ǵajaıyptary» atty ekinshi kórme Arab álemi ınstıtýtynda ashyldy. Ekspozıtsııaǵa Ózbekstannyń 9 murajaıynan 300-den astam eksponat qoıylǵan. Olardyń qatarynda XIX-XX ǵasyrdyń ortasyndaǵy ulttyq toqyma buıymdarynyń úlgileri, kostıýmder, bas kıimder, áshekeıler, Buhara Ámirligi dáýirindegi altyn shapandar bar.

Eske salsaq, Lývr mýzeıindegi kórmege álemdegi eń kóne Qurandardyń biri – VIII ǵasyrda jazylǵan Katta Longar Qurany qoıylatyny habarlanǵan bolatyn.

Foto: aa.com.tr