Lývrdaǵy zergerlik buıymdar ýaqytsha Frantsııa bankiniń qoımasyna kóshirildi

ASTANA. KAZINFORM — Lývr murajaıynda 19 qazan kúni urlanyp, keıin tabylǵan zergerlik buıymdar ýaqytsha Frantsııa bankiniń qoımasyna ornalastyryldy, dep habarlaıdy RTL.

Shara murajaıdyń qaýipsizdigin tekserý maqsatynda iske asyp otyr. 

Derekkózdiń habarlaýynsha, baǵaly zattardy 24 qazan kúni kúsheıtilgen kúzet tasymaldaǵan. Qundy buıymdar Lývrdan nebári 300 metr jerde ornalasqan banktiń qoımasyna qoıyldy. 

Aqparatta naqty qandaı jádigerler kóshirilgeni týraly aıtylmady. Basylym Apollon galereıasyndaǵy koroldik zergerlik buıymdar men buryn murajaıdyń ártúrli zalynda ornalasqan basqa da baǵaly zattar dep atap ótti. Olardyń barlyǵy Frantsııa bankiniń 26 metr tereńdikte ornalasqan jer asty qoımasyna ornalastyrylǵan. Sondaı-aq munda eldiń altyn qorynyń shamamen 90%-y saqtaýly.

Osyǵan deıin Parıjdegi Lývrge ury túsip, onda Napoleonnyń áshekeıleri qoldy bolǵany týraly jarııaladyq.  

Sondaı-aq Frantsııa prezıdenti Emmanýel Makron murajaıdan urlanǵan qazynalardyń qaıtarylatynyna ýáde bergen bolatyn.