Lývrdaǵy urlyqqa baılanysty eki kúdikti Parıjde ustaldy
ASTANA. KAZINFORM – 25 qazan kúni keshke polıtseıler Lývrdaǵy tonaý isi boıynsha eki kúdiktini ustady, dep habarlaıdy Kazinform TASS agenttigine silteme jasap.
Le Figaro basylymynyń habarlaýynsha, kúdiktilerdiń biri Parıjdiń Rýassı-Sharl de Goll áýejaıynda Aljırge ushpaq bolǵan kezde ustalǵan. Ekinshi kúdikti Sen-Sen-Denı departamentinen tabyldy. Ol Malıge qashýdy josparlaǵan.
– Murajaıdan urlanǵan 8 asyl zat, sondaı-aq iske qatysy bar taǵy eki kúdikti áli tabylǵan joq, - dep jazdy atalǵan basylym.
Eki kúdiktiniń buǵan deıin quqyq qorǵaý organdarynyń nazaryna ilikken. Endi olarǵa «qylmystyq top quramynda qaraqshylyq jasady» jáne «qylmys jasaý maqsatynda qylmystyq uıymǵa qatysý» baptary boıynsha aıyp taǵylyp otyr.
Osyǵan deıin Parıjdegi Lývrge ury túsip, onda Napoleonnyń áshekeıleri qoldy bolǵany týraly jarııalaǵanbyz.
Sondaı-aq Frantsııa prezıdenti Emmanýel Makron murajaıdan urlanǵan qazynalardyń qaıtarylatynyna ýáde bergen bolatyn.