Lývrdaǵy urlyq: murajaı shyǵyny 88 mıllıon eýroǵa baǵalandy

ASTANA. KAZINFORM – Parıj prokýrory Lora Bekkonyń aıtýynsha, ótken jeksenbide Lývr murajaıynan urlanǵan baǵaly jádigerlerdiń jalpy quny 88 mıllıon eýro bolyp baǵalanǵan, dep habarlaıdy Kazinform ıtalııalyq Agenzianova.com saıtyna silteme jasap.

– Lývr kýratory zalaldy 88 mıllıon eýro dep baǵalady, – dedi prokýror RTL telearnasyna bergen suhbatynda.

Ol bul somany «erekshe eleń eterlik» dep atap ótti, degenmen «bul materıaldyq shyǵyndy tarıhı shyǵynmen esh salystyrýǵa kelmeıdi» degen oıyn jetkizdi prokýror.

Onyń aıtýynsha, qylmyskerler bul baǵaly buıymdardy qaıta balqytyp, satqan jaǵdaıda da mundaı iri somaǵa ıe bola almas edi.

– Olar mundaı áreketke barsa, ózderine de, adamzattyń mádenı murasyna da úlken zııan keltirer edi, – dep túsindirdi Bekko.

Qazirgi tańda Parıj prokýratýrasy urlyqqa qatysy bar kúdiktilerdi anyqtaý jáne qylmystyq toptyń áreketin áshkereleý baǵytynda tergeý jumystaryn júrgizip jatyr.

Buǵan deıin Parıjde Lývr murajaıynda baǵaly buıymdar urlanǵany habarlanǵan edi.

Frantsııa prezıdenti Emmanıýel Makron Lývrdaǵy zergerlik buıymdardyń urlanǵanyna jaýap berip, olardyń qaıtarylyp, kináliler jaýapqa tartylatynyn aıtty.

Al osydan buryn Dýrov Lývrdan urlanǵan zergerlik buıymdardy satyp alýǵa daıyn ekenin atap ótti.

Atyshýly isti tergeý qalaı júrip jatqanyn myna materıaldan oqı alasyz.