Lývrdaǵy urlyq: bes adam tutqyndaldy, zergerlik buıymdar áli tabylǵan joq
ASTANA.KAZINFORM - Sársenbi kúni keshki saǵat 8:00 shamasynda Parıjdiń bandıtızmge qarsy brıgadasy el astanasynyń 16-shy aýdany men onyń aınalasyndaǵy qala mańynan bes adamdy tutqyndady, dep habarlaıdy Kazinform.
Ótken aptanyń basynda Lývrdaǵy zergerlik buıymdardy tonaýǵa qatysty dep ustalǵan taǵy eki adam kinásin ishinara moıyndady. Bul týraly Parıj prokýrory Lor Bekkıýo sársenbi kúngi baspasóz máslıhatynda málimdedi.
Onyń aıtýynsha, kúdiktiler murajaıǵa synǵan tereze arqyly kirgen. Prokýror tergeý qorytyndysy boıynsha qylmysty ustalǵan kúdiktiler jasaǵanyna esh kúmándanbaıtynyn atap ótti.
- Zergerlik buıymdar áli tabylǵan joq, - dep qosty Frantsııa halyqaralyq radıosy.
Lor Bekkıýonyń aıtýynsha, kúdiktilerdiń biri - Parıjdiń soltústik mańyndaǵy Obervılede turatyn 34 jastaǵy Aljır azamaty. Ol buǵan deıin urlyq jáne jol erejelerin buzǵany úshin kináli dep tanylǵan. Ózi kýrer bolyp jumys istegenin aıtady. Aljırge ushqaly turǵan jerinde Sharl de Goll áýejaıynda ustalǵan.
Ekinshi kúdikti - Obervılede týyp-ósken 39 jastaǵy er adam. Ol taksı júrgizýshisi bolyp zańsyz jumys istep júrgenin málimdedi. Ol óz úıiniń janynda ustaldy. Lývr tonaýyna deıin oǵan birneshe aýyr qylmys, sonyń ishinde bankomat urlyǵy boıynsha aıyp taǵylǵan bolatyn.
- Qazirgi ýaqytta zergerlik buıymdar áli bizdiń qolymyzǵa túsken joq. Men olardyń tabylyp, Lývrǵa jáne búkil ultqa qaıtarylatynyna senemin, - dedi prokýror.
Prokýrordyń aıtýynsha, qazirgi ýaqytta murajaı qyzmetkerleriniń buqaralyq aqparat quraldarynda habarlanǵandaı, urylarǵa kómekteskeni týraly eshqandaı dálel joq.
Ol sondaı-aq eksponattardyń biri - ımperator Evgenııdiń táji qatty zaqymdalǵanyn rastady. Urylar qashyp bara jatqanda ony murajaıdyń janyna tastap ketken. Ony qalpyna keltirý qıyn bolady dedi prokýror.
Aıta keteıik, áıgili Lývr mýzeıindegi urlyq búkil Frantsııany selt etkizdi. Qylmyskerler aınalasy birneshe mınýttyń ishinde Napoleon men Jozefına patshaıymǵa tıesili boldy delinetin qundy zattardy úptep ketken.