Lývr mýzeıiniń qaýipsizdik júıesine qatysty taǵy bir daý shyqty

ASTANA. KAZINFORM — Parıjdegi Lývr murajaıynyń qaýipsizdik júıesine qatysty taǵy bir daýly jaǵdaı tirkeldi. Eki belgııalyq bloger álemdegi eń qorǵalǵan mýzeılerdiń birinde kúzetten jasyryn ótip, zaldarǵa óz portretterin ilip ketken, dep habarlaıdy BMFTV.

Murajaıǵa qarapaıym kelýshi retinde kirgen Nıl jáne Senn esimdi blogerler arnaıy daıyndalǵan Lego-qurastyrmaly ramkany baqylaýdan ótkizip, óz kartınalaryn mýzeıge alyp kirgen. Jaqtaýdy qajet kezinde tez jınap, qaıta bólshekteýge bolatyndyqtan, ol qaýipsizdik tekserisinen baıqalmaı ótken.

Leonardo da Vınchıdiń ataqty «Mona Lızasy» ornalasqan Memleketter zalynda olar óz portretterin venetsııalyq sheberlerdiń XVI ǵasyrdaǵy týyndylarynyń arasyna ilip qoıǵan. Keıin birneshe estelik sýretke túsip, murajaıdan esh kedergisiz shyǵyp ketken.

Eń qyzyǵy — bul «jádiger» kelesi kúni de qabyrǵadan alynbaı, kelýshilerdiń kóz aldynda turǵany belgili boldy.

Frantsııada Lývrda jýyrda bolǵan urlyqtan keıin qaýipsizdik máselesi erekshe nazarda turǵany belgili.

Oqıǵaǵa qatysty tergeý jalǵasyp jatyr.