Lývr mýzeıiniń birneshe zaly sý aǵyp ketýine baılanysty ýaqytsha jabyldy

ASTANA. KAZINFORM — Frantsııanyń BFMTV telearnasynyń habarlaýynsha, túnde №707 (Duchatel) bóliginde aıtarlyqtaı sý aǵý faktisi anyqtalǵan. Bul týraly Anadoly jazdy.

Mýzeıdiń tehnıkalyq qyzmeti jaǵdaıdy «tótenshe» dep baǵalap, №706, 707 jáne 708 zaldaryn kelýshiler úshin ýaqytsha japqan.

Aldyn ala aqparatqa sáıkes, sý joǵarǵy qabattaǵy káriz júıesindegi aqaý saldarynan tómenge aqqan. Qazir ǵımarat ishinde shuǵyl túrde qurylys tirekteri (ormandar) ornatylyp, tóbeniń edáýir zaqymdanǵany habarlandy.

Sý ketken zalda XV–XVI ǵasyrlarǵa tıesili kóptegen qundy jádigerler qoıylǵan. Aty-jónin atamaǵan derekkózdiń aıtýynsha, birqatar eksponat búlingen.

Buǵan deıin 2025 jylǵy 26 qarashada ejelgi Mysyr dáýirine qatysty kitaptar men qujattar saqtalǵan mýzeı kitaphanasynda da sý aǵý oqıǵasy tirkelgeni habarlandy. Sol kezde de birqatar materıal zaqymdanǵan bolatyn.

Aıta keteıik, frantsýz polıtsııasy álemdegi eń tanymal mýzeılerdiń biri – Lývr aýmaǵynda kópjyldyq bılet alaıaqtyǵyna qatysty aýqymdy operatsııa júrgizip, 9 adamdy ustaǵany belgili boldy.

Sonymen qatar, Lývr EO-ǵa kirmeıtin elderden kelgen týrısterge bılet baǵasyn qymbattatty.

Osydan bólek Lývrdaǵy atyshýly urlyqqa baılanysty jańa málimetter paıda boldy.