Lývr mýzeıine zańsyz kirgen stýdent ustaldy
ASTANA. KAZINFORM — Parıjdegi Lývr mýzeıiniń qyzmetkerleri mýzeı jabylǵannan keıin ishke zańsyz kirgen 26 jastaǵy stýdentti anyqtady, dep habarlaıdy Report.
Polıtsııa jas jigitti 16 qazannan 17 qazanǵa qaraǵan túni mýzeıdiń tehnıkalyq dálizderiniń birinde júrgen jerinen ustady. Oqıǵa ornyna kelgen polıtsııa mýzeıge eshqandaı zııan kelmegenin anyqtady. Alaıda kúzet dabyly iske qosylmaǵan.
Aldyn ala málimet boıynsha stýdent ǵımaratqa órtke arnalǵan qosalqy shyǵý esigi arqyly kirgen. Buǵan deıin ol mýzeıdiń birneshe basqa kireberisin sýretke túsirgen.
Polıtsııa ony bólimshege jetkizgen. Tekserý barysynda onyń buǵan deıin quqyq qorǵaý organdarynyń nazaryna ilikpegeni belgili boldy.
Parıj prokýratýrasynyń málimetinshe, stýdentti qamaýda ustaýǵa negiz joq. Tergeý jalǵasyp jatqan kezde ol bosatyldy.
Aıta keteıik, Frantsııada jappaı tártipsizdikke baılanysty 400 adam ustaldy. Oqıǵa kezinde 60 polıtseı jaraqat aldy.
Eske salaıyq, buǵan deıin Lývrde atyshýly urlyq bolyp, Napoleonnyń áshekeıleri qoldy bolǵan edi. Sol ýaqytta murajaı shyǵyny 88 mıllıon eýroǵa baǵalanǵan bolatyn.
