Lývr álemniń halyq eń kóp keletin murajaıy mártebesin saqtap qaldy
ASTANA. 3 qańtar. QazAqparat - Lývr álemniń halyq eń kóp keletin murajaıy mártebesin saqtap qaldy, dep habarlady Agence France-Presse Parıj murajaıy basshylyǵy taratqan málimdemege silteme jasap.
«Biz amerıkandyqtar tarapynan bizdiń murajaıymyzǵa yqylasy artyp otyrǵanyn, sondaı-aq damýshy elderden keletin týrıster sany kóbeıip otyrǵanyn qýanyshpen habarlaımyz», - delingen murajaı basshylyǵy taratqan málimdemede.
Lývr sońǵy birneshe jyl boıy halyq eń kóp keletin álem murajaılarynyń tizimin bastap keledi, dep jazady yqpaldy brıtandyq The Art Newspaper (TAN) jýrnaly. TAN reıtıngisi boıynsha ekinshi orynda Brıtan murajaıy, munda jylyna 5,8 mıllıon adam keledi, úshinshi orynda jylyna 5,2 mıllıon adamdy qamtyp otyrǵan Nıý-Iorktyń Metropolıten murajaıy tur.
