Lýla da Sılva Brazılııa prezıdenti bolyp qaıta saılandy
ASTANA. KAZINFORM — Brazılııanyń qazirgi prezıdenti Lýıs Inasıý Lýla da Sılva prezıdent saılaýynyń ekinshi týrynda jeńiske jetti jáne jańa merzimge qaıta saılandy, dep habarlaıdy TASS.
Buǵan Ortalyq saılaý komıssııasynyń fýnktsııalaryn oryndaıtyn eldiń joǵarǵy saılaý Sotynyń derekteri dálel bola alady. Hattamalardyń 97,69%-y óńdelgennen keıin daýys berý nátıjesi matematıkalyq turǵydan qaıtymsyz dep tanyldy.
Resmı statıstıkaǵa sáıkes, solshyl Eńbek partııasynyń jetekshisi 51,74% daýys jınaıdy. Onyń qarsylasy-ońshyl oppozıtsııa ókili, senator Flavıý Bolsonarý 48,26% alady. Onyń artta qalýshylyqty joıýǵa matematıkalyq múmkindigi joq.
Lýla da Sılva Brazılııanyń qazirgi tarıhyndaǵy prezıdent saılaýynda birinshi týrda artta qalǵannan keıin jeńiske jetken alǵashqy saıasatker boldy. Memleket basshysynyń jańa merzimi 2027 jyldyń 1 qańtarynda bastalady.
Ekinshi týrǵa 127 807 732 saılaýshy qatysty. Qatysýshylar kórsetkishi 80,79% boldy, al ýchaskelerge kelmegen azamattardyń úlesi 19,21%. Bul - 30 381 854 adam.
1 426 055 bıýlleten nemese jalpy sannyń 1,12%-y bos dep tanyldy. 2,12% bolatyn taǵy 2 713 225 bıýlleten jaramsyz dep tanyldy.
Esterińizge sala keteıik, Brazılııada prezıdent saılaýynyń ekinshi týry 25 qazanda bastaldy. Birinshi týr jeńimpazsyz aıaqtaldy. Zertteýlerdiń kópshiligi Lýlanyń azdaǵan artyqshylyǵyn kórsetti, biraq úmitkerler arasyndaǵy alshaqtyq statıstıkalyq qatelik sheginde boldy.
Saılaýǵa barlyǵy 12 kandıdat qatysty.
