«Lýkoıl» vıtse-prezıdentiniń uly Máskeýdegi mashınalar jarysy úshin keshirim surady
ASTANA. QazAqparat - «Lýkoıl»kompanııasy aǵa vıtse-prezıdentiniń uly Rýslan Shamsýarov Máskeýde basqa kóliktermen jarysyp, jol qozǵalysy erejelerin buzǵany úshin keshirim surady.
Shamsýarov endi mundaı oqıǵa qaıtalanbaıtynyna ýáde berdi. Bul týraly ol Feısbýk áleýmettik jelisindegi jeke paraqshasyna jazdy.
Shamsýarov jáne taǵy birneshe adam Máskeýde mashına jarysyn uıymdastyryp, jol- qozǵalysy erejelerin buzdy.
«Osyndaı oqıǵanyń qatysýshysy bolǵanyma qatty ókinemin. Biz ózimizdi laıyqsyz ustadyq. Sondyqtan MAI qyzmetkerleri, jol qozǵalysynyń barlyq qatysýshylary, máskeýlikter jáne otbasymnyń aldynda ózim jáne dostarym úshin keshirim suraımyn», - dep jazdy Shamsýarov.
Aıta ketsek, «Lýkoıl» kompanııasy basshysy orynbasarynyń 20 jastaǵy uly Rýslan Shamsýarov Mercedes Gelandewagen kóligimen jol qozǵalysy erejelerin buzǵan, jarys uıymdastyrǵan, sondaı-aq JPQ alty ekıpajynan qashqan.
