«Lýkoıl» Rýmynııa men Moldovadaǵy janarmaı quıý beketterin «QazMunaıGaz»-ǵa satýy múmkin
Derekkózderden málim bolǵanyndaı, tizimdegi birinshi satyp alýshy – aǵylshyn-gollandııa energetıka alyby Royal Dutch Shell. Shell degen atpen tanymal kompanııa – Eýropa munaı sektoryndaǵy da iri oıynshylardyń biri.
2022 jyldyń mamyrynda Ýkraınadaǵy jaǵdaıǵa baılanysty Shell Reseıdegi aktıvterin – Reseıdiń ortalyǵy jáne soltústik-batysyndaǵy 114 janarmaı quıý stansasy men Torjoktaǵy maılaý materıaldary zaýytyn satty. Olardy Reseı munaıyn óndirý boıynsha ekinshi orynda turǵan «Lýkoıl» kompanııasyna satyp aldy.
Ekinshi áleýetti satyp alýshy – Rýmynııa men Moldova Respýblıkasynda Rompetrol brendimen janarmaı quıý stansalary jelisi jáne kórshi eldegi eń zamanaýı Petromidia munaı óńdeý zaýytynyń ıesi – Qazaqstannyń «QazMunaıGaz» Ulttyq kompanııasy.
Naryqtaǵy derekkózder boıynsha, kelissózder Máskeýde júrgizilgen, biraq nátıjesi belgisiz.
«Lýkoıl» men «QMG» mámilege keler bolsa, qazaqstandyq kompanııa Moldova Respýblıkasynyń munaı naryǵynda ústemdikke ıe bolady. Soǵan sáıkes, básekelestikti qorǵaý organdarynyń kelisiminsiz mámile buǵattalýy múmkin.
Keı derekter boıynsha, basqa da básekelester bolǵan, biraq olardyń attary ázirge jasyryn.
«Lýkoıl-Moldovany» («Lýkoıl-Rýmynııany» da) reseılik alyp «Lýkoıl» shveıtsarııalyq Litasko SA enshiles kompanııasy arqyly qadaǵalaıdy.
Kompanııanyń 106 janarmaı quıý stansasynan turatyn jelisi (Moldovadaǵy irisi), úsh munaı bazasy jáne suıytylǵan gaz termınaly bar. Moldova Respýblıkasynyń eki telearnasy jarııalaǵan básekelestik jónindegi keńestiń munaı ónimderi naryǵyn tergeý týraly qupııa esebine sáıkes, «Lýkoıl-Moldova» úlesi 2019 jyly 20,29%, al 2020 jyly bólshek otyn naryǵynda 19,84% boldy. Sonymen birge, 2020 jyly «Lýkoıl» dızel otyny ımportynyń shamamen 40,8%-yn jáne benzın ımportynyń shamamen 33,5%-yn qamtamasyz etti.
2021 jyly «Lýkoıl-Moldovaǵa» 5,97 mlrd leı kiris túskeni tirkeldi, bul – 2020 jylmen salystyrǵanda 37%-ǵa kóp jáne paıda – 60,2 mln leı shamasynda bolǵan.
Foto: www.mold-street.com
