Lýkoıl halyqaralyq aktıvterin satatynyn jarııalady

ASTANA. KAZINFORM – «Lýkoıl» birqatar memleketterdiń kompanııa men onyń enshiles kompanııalaryna qatysty shekteý sharalaryn engizýine baılanysty óziniń halyqaralyq aktıvterin satý nıeti týraly jarııalady.

Resmı saıtta habarlanǵandaı, qazirdiń ózinde áleýetti satyp alýshylardyń usynystaryn qaraý protsesi bastaldy.

Aktıvterdi satý OFAC-tyń operatsııalardy aıaqtaý lıtsenzııasyna (wind down license) sáıkes júzege asyrylyp jatyr. Kompanııa qajet bolǵan jaǵdaıda óziniń halyqaralyq aktıvteriniń úzdiksiz jumys isteýin qamtamasyz etý úshin osy lıtsenzııany uzartýǵa ótinish berýdi josparlap otyr.

LÝKOIL Qazaqstan Respýblıkasynda 1995 jyldan beri jumys istep keledi. Kompanııa qurlyqta birneshe óndirý jobasyna, mysaly, Qarashyǵanaq («Qarashyǵanaq Petroleým Opereıtıng B.V.» ken orny operator-kompanııasynda 13,5%), Teńiz («Teńizshevroıl» JShS operatorynda 5%), Qumkól («Torǵaı Petroleým» AQ-da 50%), sondaı-aq úlesi 12,5% quraıtyn Kaspıı qubyr konsortsıýmyna (KQK) qatysady.

Buǵan deıin Energetıka mınıstriniń orynbasary Sanjar Járkeshov Úkimet otyrysynan keıin ótip jatqan baspasóz máslıhatynda sanktsııaǵa túsken «Lýkoıldyń» Qazaqstandaǵy jobalary týraly pikir bildirdi. https://kaz.inform.kz/news/kazakstan-sanktsiyaga-tusken-lukoyldin-eldeg-ulestern-satip-ala-ma-922a7b/

Qazaqstanda jumys istegen jyldar ishinde «Lýkoıl» eldiń munaı-gaz salasyna 12 mlrd dollardan astam ınvestıtsııa salyp, 94 mln tonna munaı jáne 60 mlrd tekshe metr gaz óndirdi.