«Lýkoıl» AAQ prezıdenti: Qazaqstannyń postkeńestik kezeńdi áleýmettik shıelenissiz ótkizgen jalǵyz el atanýy - N.Nazarbaevtyń eńbegi
MÁSKEÝ. QazAqparat - Qazaqstannyń postkeńestik kezeńnen áleýmettik shıelenissiz ótken jalǵyz el retinde tanylýy - uly saıasatker retinde N. Nazarbaevtyń eńbegi», dedi Máskeýde «JASAMPAZ. Nursultan Nazarbaev: Reseıden kózqaras» («SOZIDATELЬ. Nýrsýltan Nazarbaev: vzglıad ız Rossıı») atty jańa kitaptyń tanystyrylýynda sóılegen sózinde «Lýkoıl» AAQ prezıdenti Vagıt Alekperov.
«Prezıdent Nursultan Ábishuly - óz elin, óz halqyn, eń bastysy ómirdi súıetin dana basshy, eliniń patrıoty», - dep atap ótti V. Alekperov.
V. Alekperovtyń aıtýynsha, N. Nazarbaevtyń adamnyń álsizdigin qabyldamaǵan, túsinbegen kezi bolǵan emes jáne budan qandaı da bir tujyrym da shyǵarǵan joq.
Ol Qazaqstanda joǵary laýazymdy qyzmet atqarǵan kóptegen tulǵalar, mamandar ózge jumystarǵa aýysyp, keıinnen bastapqy oryndaryna qaıta kelip jatqanyn atap ótti.
Bul, eshqandaı áleýmettik shıelenis bolmaǵan eldi qurýǵa múmkindik týǵyzǵan biregeı basshynyń mektebi boldy», - dedi «Lýkoıl basshysy». - Qazaqstan - postkeńestik kezeńnen áleýmettik shıelenissiz ótken jalǵyz el. Buǵan uly saıasatkerdiń qajyrly eńbeginiń aqasynda qol jetkizildi».
Sóz sońynda «Lýkoıl» basshysy Nurstultan Ábishulyna densaýlyq, Qazaqstan halqynyń gúldene berýin tiledi.
