LÝKOIL 2015 jyldyń sońynda munaı baǵasy 100 dollarǵa deıin ósetinine senimdi
ASTANA. QazAqparat - LÝKOIL vıtse-prezıdenti Leonıd Fedýn munaı óndirisiniń qysqarýy bıylǵy jyly onyń baǵasy ósýine ákeledi degen boljam jasaýda. Onyń baǵalaýynsha, 2015 jyldyń sońyna qaraı munaı baǵasynyń barreli 100 dollarǵa jetedi, dep jazady RBK.
Fedýn óziniń 2015 jyl munaı baǵasy ulǵaıýy jónindegi boljamyn Saýd Arabııasy men OPEK arasyndaǵy «baǵa soǵysy» munaı óndrýdiń qysqarýyna ákep soǵady degen qısynǵa negizdeıdi. Al bul munaı baǵasynyń qaıtadan ósýine negiz bolady.
«Qazir biz osylaı bolaryn kórip otyrmyz. Burǵylaý qondyrǵylary qysqarýda. Bul, eń aldymen, slanets munaıyn óndirýge áser etedi. AQSh naryǵyndaǵy azdaǵan ósim ótken jyly burǵylanǵan uńǵylar jumysymen bılanysty. Al úshinshi toqsanǵa qaraı AQSh-ta burǵylaý men óndirý qysqara túsetinin kóretin bolamyz», - dedi LÝKOIL-diń strategııalyq damý jónindegi vıtse-prezıdenti seısenbi kúni 2014 jyldyń qarjylyq qorytyndylary boıynsha telefon arqyly júrgizilgen konferentsııada.
«Búginde biz uńǵylardyń búkil álemde, sonyń ishinde Batys Afrıkada, Soltústik teńizde qysqara túskenin kórip otyrmyz. Reseılik munaı kompanııalary da burǵylaý kólemin qysqartýda. Jyldyń aıaǵynda munaı baǵasynyń barreli 100 dollarǵa jetip jatsa, oǵan tańǵalýǵa bolmaıdy», - dep qosty Fedýn.
Onyń pikirnshe, baǵa soǵysynyń mindeti munaı baǵasyn tómendetý emes, naryqtyń qubylýyn azaıtý. Ol kóp keshikpeı naryq teńdestiriletinin aıtty. Munaı naryǵyndaǵy qubylýlar jalǵasa túskenmen, onyń pikirinshe, baǵanyń ózgergishtigi jasandy túrde qoldan kótermelenip otyr.
Onyń baǵalaýynsha, Reseıde munaı óndirý 20 mln. tonnaǵa azaıady. «Barlyq reseılik kompanııalar bıylǵy jylǵa kúrdeli shyǵyndaryn qysqartty, al ekinshi jartyjyldyqtan bastap, RF-da burǵylaýshylar brıgadalary da qysqarady, bul Reseıde óndirý kóleminiń 5 mln. tonnadan 20 mln. tonnaǵa deıin qysqarýyna ákep soǵady», - dedi LÝKOIL vıtse-prezıdenti.
Qańtar aıynda «LÝKOIL» AAQ prezıdenti Vagıt Alekperov RBK-ǵa suhbat berip, Reseıde munaı óndirýdiń tómendeý sebepterin aıtty. Onyń pikirinshe, onyń quldyraýyna sanktsııalar, qarjy naryǵyndaǵy jaǵdaı ǵana emes, qorlar qurylysy yqpal etetin bolady.
«Ókinishke oraı, biz buǵan jańa (munaı) provıntsııasyn ázrlegen joqpyz, árbir 20 jylda eski kenishterdegi munaıdyń tabıǵı quldyraýynyń ornyn toltyratyn sharalar alǵan joqpyz. Biz jańa munaı kózderi Arktıka bolar dep úmit ettik, biraq ta Arktıka bul úmitimizdi aqtamady. Biz Shyǵys Sibir de munaı óndirýdiń qysqarýyn jabýy tıis edi, ókinishke oraı, onyń qorlarynyń qurylymy Batys Sibirdegi jáne dástúrli aımaqtardaǵy tabıǵı quldyraýdyń ornyn jaba almaıtynyn kórip otyrmyz», dedi Alekperov.
