Lýkashenko úkimetti otstavkaǵa jiberý jaıynda eskertý jasady
ASTANA. QazAqparat - Belorýssııa Prezıdenti Aleksandr Lýkashenko ekonomıkalyq problemalarǵa baılanysty el úkimetin aýystyrý múmkindigin joqqa shyǵarmaı otyr.
Bul týraly belnovosti habarlady.
A. Lýkashenko ekonomıkadaǵy jaǵdaıdy ózgertý turǵysynda oń qadamdar jasalmasa, otstavka jaıynda sheneýnikterdi eskertkendigi týraly eske salyp ótti. Ásirese, bul másele daıyn ónimderge jınaqtalyp qalǵan qoımalardy bosatýǵa baılanysty bolyp otyr.
Sonymen qatar ol kórshiles elder naryqtary jaıly aıta kele, «Eýropadaǵy ahýal da jaqsy emes. Bul bizdiń ónimniń naryqtary bolǵandyqtan, olardyń jaǵdaılary bizge de yqpal etedi»,-dedi.
Alaıda jańa premer-mınıstrdiń kandıdatýrasy boıynsha Lýkashenko ázirge naqty sheshim shyǵarmaǵanǵa uqsaıdy. «Bizdiń elde kóp bolmasa da, premer qyzmetin atqarýǵa qaýqarly adamdar bar»,-dep atap ótti ol.
