Lýkashenko sheneýnikterge ózderiniń barlyq týystaryn jumysqa ornalastyrýdy talap etti
ASTANA. QazAqparat - Belarýs prezıdenti Aleksandr Lýkashenko sheneýnikterge ózderiniń barlyq týystaryn jumysqa ornalastyrýdy talap etti. Bul týraly "RIA Novostı" agenttigi habarlady.
Ol Mınıskide beısenbi kúni «aramtamaqtar salyǵyna» qatysty keńes ótkize otyryp, sheneýnikterdiń týystaryna bul salyqty tóleýge jáne onymen birge, jumyssyz otyrýǵa bolmaıtynyn atap ótti.
Prezıdent: «Eger áıeli men naqsúıeri syrqat bolsa - emdeımiz. Al eger olar eńbekke qabiletti bolsa, onda jumysqa ornalastyryńdar», - deı otyryp, ázirge naqty esimderdi ataǵysy kelmeıtinin qosyp ótti.
Lýkashenko bul talaptyń oryndalýy barysy jóninde 1 sáýirden keıin baıandaýdy júktedi.
Aıta keteıik, atalmysh dekretke Belarýs prezıdenti Aleksandr Lýkashenko 2015 jyly qol qoıǵan bolatyn. Oǵan sáıkes, eńbekke qabiletti, biraq jumys istemeıtin, sondaı-aq sońǵy alty aı boıy salyq tólemeıtin respýblıka turǵyndary jyl saıyn 250 dollar kóleminde salyq tóleýi tıis. Áıtpegen jaǵdaıda, olar ákimshilik jaýapkershilikke tartylady.
12 aqpan kúngi málimetter boıynsha, Belarýs bıligi 470 myń azamatqa atalmysh salyqty tóleý jóninde eskertpe-habarlandyrý jibergen, ony 54 myńnan astam «aramtamaq» tólegen.
Al 2017 jyldyń 20 aqpany kúni Belarýstyń birneshe qalasynda «Áleýmettik masyldyqtyń aldyn alý týraly» dekretine qarsy sanktsııalanbaǵan ereýilder ótti.
