Lýkashenko prezıdenttik merzimge kandıdatýrasyn taǵy usynýdy josparlap otyrǵan joq
ASTANA. KAZINFORM – Belarýs prezıdenti Aleksandr Lýkashenko taǵy bir merzimge saılaýǵa túsýdi josparlap otyrmaǵanyn málimdedi, dep habarlaıdy BELTA aqparat agenttigi.
Lýkashenko amerıkalyq Time jýrnalynyń tilshisine bergen suhbatynda taǵy bir merzimge saılaýǵa túsý josparynda joq ekenin aıtty. Ol sondaı-aq el prezıdenti qyzmetine kenje uly Nıkolaı Lýkashenko keledi degen qaýesetti de joqqa shyǵardy.
– Joq, ol taqqa murager emes, - dep málimdedi Lýkashenko.
Óz kezeginde ol Belarýstiń kelesi prezıdenti sál basqasha saıasat ustanatyn adam bolýy múmkin ekenin de moıyndady.
Aleksandr Lýkashenko prezıdenttik laýazymyn 1994 jyldan beri atqaryp keledi. 2025 jyldyń aqpanynda Belarýs Ortalyq saılaý komıssııasy onyń eldegi prezıdenttik saılaýda jetinshi ret qatarynan jeńiske jetkenin moıyndady.
Buǵan deıin Lýkashenko resmı túrde Belarýs prezıdenti qyzmetine kiriskenin jazǵan bolatynbyz.
Kazinform úshin arnaıy BELTA seriktes agenttigi usyndy.