Lýkashenko: Qazaqstan zamanaýı syn-qaterlerge sátti jaýap berip, jahandyq úderisterge belsendi qatysýda

ASTANA. KAZINFORM – Belarýs Respýblıkasynyń prezıdenti Aleksandr Lýkashenko Belarýs halqynyń jáne jeke óziniń atynan Qazaqstan Respýblıkasynyń Prezıdenti Qasym-Jomart Toqaevty ulttyq mereke – Respýblıka kúnimen quttyqtady. Bul týraly BELTA agenttigine Belarýs basshysynyń baspasóz qyzmeti habarlady.

«Búginde Astana zamanaýı syn-qaterlerge sátti jaýap berip, Ádiletti Qazaqstan qurý jolynda aýqymdy reformalardy júzege asyra otyryp, jahandyq úderisterge belsene qatysýda», - delingen quttyqtaýda.

«Bizdiń halyqtarymyz arasyndaǵy dostyq pen ózara qurmet dástúrleri eki memlekettiń strategııalyq seriktestigin údemeli keńeıtýde mańyzdy ról atqaryp, Eýrazııalyq keńistiktegi ıntegratsııalyq úderisterdi tereńdetýge yqpal etetinine senimdimin», - dedi Lýkashenko.

Belarýs Prezıdenti Qasym-Jomart Toqaevqa zor densaýlyq, josparlarynyń barlyǵyn júzege asyrý úshin kúsh pen qýat, al baýyrlas Qazaqstan halqyna beıbitshilik, birlik pen gúldený tiledi