Lýkashenko halyqtyń 79,67 paıyz daýysyna ıe boldy
MINSK. 20 jeltoqsan. QazAqparat /Aıtýar Mamlın/ - Bıýlletenderdiń 99 paıyzyn esepteý qorytyndysy boıynsha Aleksandr Lýkashenko halyqtyń 79,67 paıyz daýysyna ıe boldy, dep málim etti Respýblıka saraıy aqparattyq ortalyǵynda ótken baspasóz máslıhaty barysynda Saılaý jáne respýblıkalyq referendýmdar ótkizý jónindegi Ortalyq Komıtettiń Tóraǵasy Lıdııa Ermoshına.
Onyń aıtýynsha, aldyn ala málimetter eldegi barlyq ýchaskelerden alynǵan. Sheteldegi ýchaskelerdiń málimetteri aldaǵy ýaqytta keledi dep kútilip otyr.
Halyqtyń saılaýǵa qatysýy 90,66 paıyzdy qurady (2006 jyly 92,9 paıyz bolǵan), - dedi Ermoshına. A.Lýkashenko úshin 5 122 866 adam daýys bergen.
Ortalyq saılaý komıssııasynyń málimetterine súıensek, Andreı Sannıkov 2,56 paıyz daýys (164 myń), ıAroslav Romanchýk - 1,97 paıyz (126 986), Grıgorıı Kostýsev - 1,97 paıyz (126 645), Vladımır Neklıaev - 1,77 paıyz (113 747), Alekseı Mıhalevıch - 1,2 paıyz (65 598), Vıtalıı Rymashevskıı - 1,1 paıyz (70 433), Vıktor Tereşenko - 1,08 paıyz (69 653), Nıkolaı Statkevıch - 1,04 paıyz (67 myń.), Dmıtrıı Ýss - 0,48 paıyz (31 myń.) daýysqa ıe bolǵan.
