Lýkashenko: Biz Qazaqstanǵa kedergisiz baramyz
ASTANA. QazAqparat - Belarýs memleketke valıýta aǵynyn qamtamasyz etetin sheteldik qonaqtardy tartý úshin barlyq qajetti jaǵdaıdy jasaıdy, dep habarlady BELTA.
Kásiporyndardyń biriniń eńbek ujymymen kezdesý ýaqytynda Belarýs Prezıdenti Aleksandr Lýkashenko Belarýs shetel týrısteri aǵynyna múddeli jáne olardy tartý úshin jumysty jalǵastyratynyn habarlady.
Kásiporyn qyzmetkerleri 80 eldiń azamattary úshin bes kúndik vızasyz rejım engizý tıimdiligine qatysty qyzyǵýshylyq tanytty.
«Bul Belarýs syrtqy ister mınıstrliginiń basty mindeti. Azamattar bizdi qyzyqtyratyn, ásirese kórshi elderge emin-erkin barýlary kerek. Ýkraınaǵa, Reseıge, Qazaqstanǵa kedergisiz baramyz. Eýropa, Shengen ózderin qorǵaǵysy keledi. Olarmen kelisýge tyrysamyz, týrızm boıynsha kelissózder júrgizemiz», - dedi Belarýs prezıdenti Aleksandr Lýkashenko.
Sondaı-aq ol Belarýske bes kúndik vızasyz rejım engizý álemge eldi ashý tilegimen baılanysty ekenin qosty.
