Lýkashenko Belarýstegi prezıdent saılaýynda jeńiske jetti

ASTANA. KAZINFORM — OSK aldyn ala málimetterdi usyndy. Oǵan sáıkes Aleksandr Lýkashenko Belarýstegi prezıdenttik saılaýda daýys berý qorytyndylary boıynsha 86,82 paıyz jınady.

Sınhýa aqparat agenttiginiń málimetinshe, bul týraly eldiń Ortalyq saılaý komıssııasynyń tóraǵasy Igor Karpenko habarlady.

Belarýs Ortalyq saılaý komıssııasynyń 27 qańtardaǵy aldyn ala málimetine sáıkes A.Lýkashenko 86,82 paıyz, O.Gaıdýkevıch 2,02 paıyz, A.Hıjnıak 1,74 paıyz, A.Kanopatskaıa 1,86 paıyz jáne S. Syrankov — 3,21 paıyz daýys jınaǵan. 

Barlyǵyna qarsy saılaýshylardyń 3,60%-y daýys berdi. Saılaýǵa qatysý kórsetkishi 85,70 paıyzdy qurady, al saılaýshylar sany 6 903 994 adam boldy.

Belarýs zańnamasyna sáıkes, saılaýshylardyń 50 paıyzdan astam daýysyn jınaǵan úmitker jeńiske jetedi. OSK prezıdent saılaýynyń sońǵy qorytyndysyn 3 aqpanda shyǵarýdy josparlap otyr.

Qorytyndy rastalǵannan keıin A.Lýkashenko Belarýstiń saılanǵan prezıdenti bolyp resmı túrde jarııalanady.

Buǵan deıin 26 qańtarda Belarýste prezıdent saılaýy bastalǵanyn jazǵan edik.

Keıinnen Lýkashenko Belarýstegi prezıdent saılaýynda daýys bergeni belgili boldy.