Lýkashenko Belarýs Úkimetin otstavkaǵa jiberdi

MINSK. BELTA-QazAqparat – Belarýs Prezıdenti Aleksandr Lýkashenko is basyndaǵy Úkimet quramyn otstavkaǵa jiberý sheshimin qabyldady. Bul týraly «Belarýs 1» telearnasynyń efırinde aıtyldy, dep jazady BELTA.

BELTA agenttigine aqparatty Prezıdenttiń baspasóz qyzmeti de rastap, A.Lýkashenkonyń tıisti Qaýlysy resmı jarııalanǵannan keıin kúshine enetinin málim etken.

Belarýs Úkimetiniń jańa quramyn jasaqtaý máselesi 3 maýsym kúni tańerteń A.Lýkashenkonyń tóraǵalyǵymen ótken keńeste talqylanǵan. Oǵan Respýblıka Keńesiniń tóraǵasy Natalıa Kochanova, Ókilder palatasynyń tóraǵasy Vladımır Andreıchenko, Prezıdent Ákimshiliginiń basshysy Igor Sergeenko jáne Qaýipsizdik keńesiniń memlekettik hatshysy Andreı Ravkov qatysty.