Lýkashenko: Belarýs Qazaqstandaǵy ózgerister tájirıbesine qyzyǵýshylyq tanytyp otyr

ASTANA. QazAqparat - Belarýs Qazaqstandaǵy memlekettik ózgerister tájirıbesine qyzyǵýshylyq tanytyp otyr. Bul týraly Belarýs prezıdenti Aleksandr Lýkashenko búgin Qazaqstan Parlamenti Májilisiniń tóraǵasy Nurlan Nyǵmatýlınmen kezdesýi barysynda málimdedi, dep habarlady BELTA.

- Sizderdiń joǵary bılik organdarynyń, ásirese, prezıdent qyzmetiniń tájirıbesin (ásirese sońǵy aılardaǵy) baqylap, taldap, zerdeleýge tyrysamyn. Bizge bul tájirıbe paıdaly, - dedi Aleksandr Lýkashenko. - Biz shynymen de sizderdiń tájirıbelerińizdi zer salyp, den qoıyp zerdeleýdemiz. Bul qabyldaǵan sharalar memleketterińizdiń turaqtylyǵy men táýelsizdigin saqtaýda Qazaqstan úshin asa mańyzdy qadam dep oılaımyn».

 «Naqty ekonomıkalyq qadamdardy mindetti bekite túsetin memlekettik qurylys, Konstıtýtsııaǵa ózgerister engizý boıynsha reformalar jasap jatyrsyzdar. Bul óte mańyzdy. Bul basqalarǵa jaqsy úlgi bola alady», - dep atap ótti Belarýs kóshbasshysy. Konstıtýtsııaǵa ózgerister engizý, Prezıdent ókilettikterin, mysaly Úkimetke berý keı respýblıkalarda adamdardyń narazylyǵyn týdyryp jatady.

 «Halyqqa munyń bári ne úshin jasalǵanyn túsindirse, perspektıvaǵa naqty faktiler men mindetter bekitseń - bul múldem basqa másele. Mine, osy sońǵysy sizder jaıynda. Jaraısyzdar, degim keledi. Osyndaı kúrdeli kezeńde el birligin saqtap kelesizder», - dedi Lýkashenko. Ol sondaı-aq taıaýda Qazaqstan Prezıdenti Nursultan Nazarbaevpen ózara qatynastar máselesin talqylaǵanyn atap ótti. «Eger barlyǵy oıdaǵydaı rettelse, biz ShYU-da, EKSPO-da kezdesemiz», - dedi Lýkashenko.