Lýka Modrıch qazaqstandyq balaqaımen kezdesýden qandaı áser alǵanyn aıtty
NUR-SULTAN. QazAqparat – Álemdik fýtbol juldyzy, madrıdtik «Realdyń» horvattyq legıoneri Lýka Modıch qazaqstandyq Álı Turǵanbekovpen kezdesýi týraly pikir bildirdi, dep habarlaıdy QazAqparat.
«Álı Turǵanbekovpen kezdesý keremet ótti. Ózińniń baqytqa toly dara jolyńmen álemdi shabyttandyra ber. Fýtbol – ol jaı ǵana oıyn emes», - dep jazdy Lýka Modrıch Instagram paraqshasyna.
«Kóp rahmet saǵan, qymbatty dosym! Men óte baqyttymyn», - dep jaýap qatty oǵan balaqaı.
Eske sala keteıik, Álı Turǵanbekov buǵan deıin «Real» fýtbol klýbynyń oıynshylarymen kezdesken edi. Al oǵan deıin týrındik «ıÝventýstyń» juldyzy Krıshtıaný Ronaldýmen júzdesip, dop oınady, birge fotoǵa tústi.
Aıta keteıik, jaqynda ǵana Habıb Nýrmagomedov pen Álıdiń kezdesýi Almatyda ótti. Sol kezde jetkinshek oǵan PSG oıynshylarynyń qoltańbasy bar dop bergen bolatyn.
Buǵan deıin qazaqstandyq balaqaı fýtbol ańyzdary - brazılııalyq Kafý, Hýlıo Sezar, Bebetomen, sondaı-aq ıspandyq Havımen kezdesti.
Álı kóptegen tanymal fýtbolshylarmen de kezdesken. Olardyń qatarynda Messı, Andreı Shevchenko, Neımar, Kıllıan Mbappe, Edınson Kavanı, Dıego Maradona, Lıverpýl oıynshylary Mohammed Salah, Roberto Fırmıno, klýbtyń bas jattyqtyrýshysy ıÝrgen Klopp bar. Sondaı-aq, óziniń kýmıri Nık Výıchıchpen de kezdesip úlgerdi.
Ol sonymen qatar Lıverpýl oıynshylaryna ÝEFA Sýperkýbogyn tapsyrdy.
Aıta keteıik, eki aıaqsyz dúnıege kelgen balaqaı búginde elordalyq daryndy balalarǵa arnalǵan «Nurorda» mektebinde oqyp jatyr.
