Lýızıanada keme apatqa ushyrady, ondaǵan jolaýshy izdestirilýde
NUR-SULTAN. QazAqparat – AQSh-ta Meksıka shyǵanaǵyndaǵy daýyl saldarynan Lýızıana shtaty jaǵalaýynda bortynda on segiz adamy bar kommertsııalyq keme apatqa ushyrady. Jaǵalaý kúzeti kemeniń alty jolaýshysyn qutqara aldy, on eki adam izdestirilýde, dep habarlaıdy QazAqparat The New York Times basylymyna silteme jasap.
Atap ótilgendeı, apat týraly dabyl qutqarýshylarǵa seısenbi kúni jergilikti ýaqyt boıynsha keshqurym túsken. Qutqarý jumystaryna eki kater, eki qaıyq, tikushaq jáne tórt azamattyq keme tartyldy.
Ońtústik Amerıkanyń Arkanzas, Florıda, Lýızıana jáne Mıssısıpı shtattarynda sońǵy kúnderi aýa-raıynyń qolaısyzdyǵy saldarynan 20 myńǵa jýyq ǵımarat elekrt jaryǵynsyz qaldy dep habarlandy. Lýızıana shtatynda eki adam qaza tapty, kóptegen turǵyndar tornado saldarynan jaraqat aldy.
