Lýızıanada daýyl úıdi aýdaryp ketti, balaly áıel ajal qushty
ASTANA. QazAqparat - Amerıkanyń Lýızıana shtatynda surapyl daýyldan kóshpeli úı aýdarylyp, anasy men qyzy qaza tapty, dep habarlady Sent-Martın aýylynyń sherıfi óziniń Facebook paraqshasynda.
Assoshıeıted Press agenttiginiń habarlaýynsha, Lýızıanadaǵy oqıǵa AQSh-tyń ońtústik jaǵalaýyndaǵy alapat daýyldyń saldarynan bolǵan. Arkanzas pen Mıssısıpı shtattarynyń jekelegen aýdandaryna da qatty jelden qaýip tónip tur, dep habarlaıdy agenttik.
«Daýyl kezinde úı ishinde bolǵan 38 jastaǵy áıel men onyń úsh jasar qyzy mert boldy», - delingen áleýmettik jelidegi habarlamada.
