Lýısh Nanı «Aqtóbeden» ketetinin málimdep, jankúıerlerimen qoshtasty
ASTANA. KAZINFORM — Portýgalııa quramasy men «Manchester ıÝnaıted» klýbynyń burynǵy juldyzy Lýısh Nanı «Aqtóbe» jankúıerlerimen qoshtasty.
39 jastaǵy fýtbolshy Instagram jelisindegi paraqshasynda maýsym aıaqtalǵannan keıin qazaqstandyq klýbtan ketetinin málimdedi.
— Bul meniń Aqtóbedegi sońǵy úı matchym boldy. Bizdiń birge ótkizgen qyzyqty kezeńimiz aıaqtalýǵa jaqyn. Biraq qandaı keremet joldan óttik! Osy tamasha klýbtyń barlyq qyzmetkerlerine, Aqtóbe qalasynyń turǵyndaryna jáne búkil Qazaqstan halqyna alǵysymdy bildiremin. Meni jyly qabyldap, umytylmas sátter syılaǵandaryńyz úshin raqmet! Chempıonatta áli bir oıyn qaldy. Degenmen osy kezeńnen alǵan áserim men jyly estelikterim júregimde máńgi saqtalady, — dep jazdy Nanı.
Portýgalııalyq jartylaı qorǵaýshy «Aqtóbe» sapyna 2026 jyldyń qańtarynda qosylǵan bolatyn. Onyń klýbpen kelisimsharty maýsym sońyna deıin eseptelgen.
Nanı Qazaqstan Premer-lıgasynda 23 match ótkizip, bir gol soqty jáne tórt nátıjeli pas berdi. Al Qazaqstan kýbogynda eki kezdesýge qatysyp, eki márte mergendik tanytty.
«Aqtóbe» KPL-2026 maýsymyndaǵy sońǵy kezdesýin Qostanaıda jergilikti «Tobylǵa» qarsy ótkizedi. Osy matchtan keıin portýgalııalyq juldyzdyń qazaqstandyq klýbtaǵy kezeńi aıaqtalady.
