Lufthansa jáne British Airways avıakompanııalary Brıýsselge reısterin toqtatty
ASTANA. QazAqparat - Nemistiń Lufthansa avıakompanııasy seısenbidegi brıýsseldik barlyq reısterin alyp tastady, dep habarlady RIA Novostı agenttigine kompanııanyń baspasóz qyzmetiniń ókili Sandra Kraft.
«Búgin Brıýsselge jáne Brıýsselden barlyq reıster toqtatyldy». - dedi agenttik suhbattasýshysy. Ol qansha reıs toqtatylatynyn naqtylap aıta almady.
«Odan keıingi qadamdarǵa qatysty aıtar bolsaq, - biz jaǵdaıdy baqylaýda ustaımyz», - dep qosty Kraft.
Brıtandyq British Airways avıakompanııasy da Londonnan Brıýsselge tórt reısti alyp tastady, dep habarlandy avıakompanııanyń saıtyndaǵy aqparatta.
Elektrondy tabloda Hıtroý áýejaıynan ushatyn tańǵy jáne kúndizgi saǵattardaǵy reıster alynyp tastalǵan. London ýaqytymen 6.45-tegi alǵashqy reıs alynyp tastalǵan.
London ýaqytymen 18.30-daǵy ushatyn keshki reıs qazirgi kezde toqtatylǵan joq.
Seısenbi kúni jergilikti ýaqytpen 08.00 shamasynda Brıýssel áýejaıynda eki jarylys boldy. Taǵy eki jarylys metronyń Brıýsseldiń eýropalyq oramyndaǵy Malbek jáne Shýman stansalarynda boldy. Lańkestik aktiler saldarynan jıyrmadan astam adam qazaǵa ushyrady, otyzdan astam adam jaralandy.
