Lufthansa ushqyshtary erteń ereýilge shyǵady
ASTANA. QazAqparat - Germanııanyń «Lufthansa» áýekompanııasynyń ushqyshtary taǵy da ereýilge shyǵatyndyqtaryn habarlady. Sebebi, áýekompanııa qyzmetkerleri basshylyqtyń zeınetkerlikke shyǵý jasyn ózgertý sheshimimen kelispeıdi, dep habarlady VVS.
Ushqyshtar 55 jasynda zeınetkerlikke shyǵatyn qoldanystaǵy erejeni saqtaýdy talap etip otyr.
Narazylyq aktsııasy seısenbi kúni tańerteńgi 9 ben keshki saǵat 17-ge deıingi aralyqta ótedi. Bul ýaqytta Frankfýrt halyqaralyq áýejaıynan ushaq ushpaıdy.
«Lufthansa basshylyǵy ymyraǵa keletindeı usynys bildirmeı otyr, bizge qosymsha sharalar qabyldaýǵa týra keledi. Kompanııa klıentterine keltirilgen qolaısyzdyq úshin keshirim suraımyz», delingen kásipodaq málimdemesinde.
Bul sońǵy úsh aptada Lufthansa ushqyshtarynyń tórtinshi narazylyq aktsııasy. Sársenbi kúni ereýil saldarynan barlyq Eýropa boıynsha 110 reıs toqtatyldy.
