Lufthansa ushqyshtary ereýildi jalǵastyrdy
ASTANA. QazAqparat - Germanııada Lufthansa kompanııasynyń ushqyshtary birneshe kúnnen beri jumysqa shyqqan joq. Narazylyq aktsııasynyń saldarynan osy aptada 2755 reıs toqtap, 345 myńǵa jýyq jolaýshy jolynan qaldy, dep habarlaıdy Habar 24 telearnasy.
Al ereýilshiler 5 myńnan astam ushqyshtyń jalaqysyn kóterýdi talap etip, ózderiniń Nıderland pen shveıtsarııalyq áriptesterinen tómen aqy alatynyna narazylyq bildirdi. Bastapqyda bir kúndik ereýilge shyqqandar kelisimge kele almaǵannan keıin ereýildi odan ári jalǵastyrdy.
«Ereýil kompanııaǵa qarjylaı shyǵyn keltirip jatyr. Ereýildiń maqsaty da osy. Kompanııa basshylyǵyn qyspaqqa alý. Árıne, odan kóptegen jolaýshy zardap shegedi. Biz bul másele durys sheshimin taýyp, qazirgideı keri saldary bolmaýyn qalaımyz. Biraq mámilege kele bilý kerek», - deıdi Ushqyshtar kásipodaǵynyń ókili Iorg Handverg.
