Lufthansa Taıaý Shyǵys astanalaryna reısterdi toqtatý merzimin 31 qańtarǵa deıin uzartty

ASTANA. KAZINFORM – Germanııanyń Lufthansa áýe kompanııasy Izraıldiń Gaza sektorynda jalǵasyp jatqan soǵysyna baılanysty Tel-Avıv pen Tegeranǵa jáne odan shyǵatyn reısterdi toqtatý merzimin 31 qańtarǵa deıin uzartatynyn málimdedi, dep habarlaıdy Kazinform menshikti tilshisi.

Áýe kompanııasy sonymen qatar 2025 jyldyń 28 aqpanyna deıin Beırýt qalasyna reısterdi toqtatty. 

— Sheshim jergilikti jáne halyqaralyq bılik organdarymen birlesip júrgizilip jatqan aımaqtaǵy qaýipsizdikti baǵalaý negizinde qabyldandy, — dep málimdedi Lufthansa. 

Ushýdy toqtatý quramyna Lufthansa áýe kompanııasynyń quramyna kiretin Swiss, Brussels Airlines, Austrian Airlines jáne Eurowings tasymaldaýshylary da ushýdy toqtatqanyn aıta ketken jón. 

— Usha almaı qalǵan jolaýshylar keıinirek bıletke tegin tapsyrys bere alady nemese balama túrde olarǵa bılet qunynyń tolyq somasy qaıtarylady, — delingen áýe kompanııasynyń málimdemesinde.

Eske sala ketsek, buǵan deıin Lufthansa Group Tel-Avıvke reısterdi toqtatý merzimin uzartty.