Lufthansa reısterinde tazalaý erejeleri ózgeredi

ASTANA. KAZINFORM – Lufthansa áýe kompanııasy 16–29 naýryz aralyǵynda Eýropanyń 20 baǵyty boıynsha «qysqartylǵan tazalaý» atty eksperımenttik baǵdarlamany iske qosty. 

Jańa tártipke sáıkes:

dárethanalar tek jolaýshylardyń suraýy boıynsha ǵana tazalanady;
oryndyq qaltalaryndaǵy qoqys qajet bolǵan jaǵdaıda ǵana jınalady;

salon tazalyǵyn tekseretin qyzmetkerler sany 4-ten 2-ge deıin qysqarady.

Kompanııa bul ózgerister shyǵyndardy azaıtý baǵdarlamasynyń bir bóligi ekenin málimdedi.

Jalpy jospar boıynsha shamamen 4 myń qyzmetkerdi qysqartý kózdelip otyr.

Buǵan deıin de Lufthansa birqatar ózgeris engizgen:

oryn brondaý erejeleri ózgertildi;
borttaǵy tamaqtaný qysqartyldy;
ekonom-klass jolaýshylaryna tek shaǵyn bótelke sý men shokolad beriledi;
qol júgin baqylaý kúsheıtildi.

Aıta keteıik, qysqa baǵyttardaǵy bılet baǵasy keıde Ryanair jáne EasyJet sııaqty loýkosterlerden de joǵary bolady.

Sarapshylardyń aıtýynsha, álemdik áýe tasymaldaýshylardyń shyǵyndary, ásirese avıaotyn baǵasynyń qymbattaýyna baılanysty, kúrt ósip otyr. Bul jaǵdaı bılet baǵasynyń ósýine, reısterdiń qysqarýyna jáne ushý kestesiniń buzylýyna áser etip otyr.

Aıta ketelik Lufthansa taǵy 4 000 jumys ornyn qysqartatyny týraly jazǵan edik.