Lufthansa-nyń qyzmetkerleri ereýilge shyǵyp, 600-ge jýyq reıs keıinge shegerildi
ASTANA. QazAqparat - Germanııanyń iri avıatasymaldaýshysy Lufthansa beısenbi, 27 naýryzǵa josparlanǵan 600-ge jýyq reısti keıinge shegerdi. Buǵan áýejaı qyzmetkerleriniń ereýili sebep boldy, dep habarlady kompanııanyń baspasóz qyzmetine silteme jasap RBK.
Ereýilge Maındaǵy Frankfýrt, Mıýnhen, Keln, Bonn, Dıýsseldorf, Gambýrg, Gannover jáne Shtýtgart áýejaılarynyń jerdegi qyzmet mamandary qatyspaq. Verdi nemis kásipodaǵy júkterdi daıyndaý jáne jolaýshylardy baqylaý qyzmeti qyzmetkerlerin saǵat 03:30-dan 14:30-ǵa deıin jumysqa shyqpaýǵa shaqyrdy.
Kásipodaq basshylyqtan jalaqyny 100 eýroǵa kóbeıtip, onyń ústine 3,5 paıyz qosýdy talap etýde.
Lufthansa reısterin toqtatý, kompanııa kórsetkendeıi birinshi kezekte, germanııaishilik jáne eýropalyq ushýlarǵa áser etpek.
