Lufthansa nemis áýe kompanııasynyń 20 myń qyzmetkeri ereýilge shyqpaq
BRıÝSSELЬ. QazAqparat – Lufthansa nemis áýe kompanııasynyń qyzmetkerleri jalaqy daýyna qatysty 27 shildede ereýilge shyqpaqshy. Bul jazǵy kezeńde áýe kompanııa jolaýshylary úshin qıyndyq týdyrary sózsiz, dep habarlaıdy QazAqparat menshikti tilshisi.
Eýropalyq BAQ málimetinshe, Ver.di2 kásipodaǵyna múshe áýe kompanııanyń 20 myń qyzmetkeri sársenbi 03:45-ten (27 shilde) beısenbi saǵat 6-ǵa deıin (28 shilde) ereýilge shyǵady.
Kásipodaq osy aptadaǵy ereýil Frankfýrt, Dıýsseldorf, Keln, Gambýrg, Mıýnhen jáne Berlın qalalaryndaǵy áýejaılardy qosa alǵanda, barlyq Lufthansa bazalarynda ótetinin, saldarynan «reıster toqtaıtynyn jáne keshigetinin» rastady.
Ver.di kásipodaǵy óz músheleriniń jalaqysyn 9,5% arttyrýdy talap etip otyr jáne tamyz aıynda Lufthansa basshylyǵymen kelissózder aldynda «eskertý ereýilin» ótkizbekshi.
«Germanııa áýejaıyndaǵy jaǵdaı qyzmetkerler úshin de, jolaýshylar úshin de birneshe kúnnen beri qıyn bolyp jatyr. Biraq jolaýshylardyń uzaq kútetinine, reısterdiń toqtatylyp nemese keıinge shegerilip jatqanyna, júkterdiń joǵalyp jatqanyna qyzmetkerler kináli emes», - delingen kásipodaq málimdemesinde.
Lufthansa áýe kompanııasy bir kúndik ereýildi «negizsiz» dep atap, jolaýshylar úshin «bos áýreshilik» ekenin málimdedi.
«Kelissózder ótkennen keıingi ekinshi kúni Ver.di2 ereýil týraly málimdedi. Onyń barlyq jerde ótetinine jáne uzaqtyǵyna qarap, eskertý sıpatyndaǵy ereýil bolady dep aıtýǵa kelmeıdi», - dedi Lufthansa kompanııasynyń personal jónindegi dırektor y Maıkl Nıggemann.
Foto: businesstravelnewseurope.com
