Lufthansa Qazaqstanǵa reısterin qaıta bastaıdy

NUR-SULTAN. QazAqparat – Bıylǵy jyly 7 aqpannan bastap «Lufthansa» nemis áýe kompanııasy Frankfýrttan Nur-Sultan men Almatyǵa oryndalatyn reısterdi qalpyna keltirýdi josparlap otyr.

Bul týraly QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap habarlaıdy.

Reısterdi kompanııanyń A330 áýe kemeleri aptasyna 2 ret oryndaıdy.

Frankfýrt - Almaty baǵyty boıynsha reıster dúısenbi jáne beısenbi kúnderi, al Almaty - Nur-Sultan - Frankfýrt baǵyty boıynsha reıster seısenbi jáne juma kúnderi oryndalatyn bolady.

«Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasy saıtynda jarııalanǵan kestege sáıkes oryndalatyn bolady»,-delingen habarlamada.