Lufthansa ereýil saldarynan 900 reısin keıinge qaldyrdy
ASTANA. QazAqparat - Lufthansa áýekompanııasynyń basshylyǵy ushqyshtardyń ereýili saldarynan 24 qarashadaǵy úsh myń reıstiń 912-in toqtatty. Kesteniń ózgerýi 115 myń jolaýshyny joldan qaldyrdy, dep habarlaıdy interfax.ru.
Kácipodaq ókilderiniń habarlaýynsha, ereýil 25 qarashada da jalǵasady, óıtkeni erteń jaqyn qashyqtyqqa ushatyn pılottar jumysqa shyǵýdan bas tartyp otyr.
Eske sala ketsek, 23 qarashada Lufthansa 800-den astam reısin oryndaǵan joq.
Ereýilshiler sońǵy bes jylda jalaqylary óspegenine narazy, osyǵan baılanysty kásipodaq aılyqty 20 paıyzǵa ósirýdi talap etip otyr.
