Lufthansa ushaq otynynyń qymbattaýyna baılanysty 20 myń reısti toqtatady
ASTANA. KAZINFORM – Germanııanyń ulttyq áýe tasymaldaýshysy Lufthansa Taıaý Shyǵystaǵy qaqtyǵys saldarynan týyndaǵan energetıkalyq daǵdarys aıasynda 2026 jyldyń maýsym-qazan aılary aralyǵynda shamamen 20 myń reısti toqtatýdy josparlap otyr. Bul týraly kompanııanyń baspasóz qyzmeti habarlady.
Áýe kompanııasynyń málimetinshe, reısterdi qysqartý jolaýshylar legin1 paıyzǵa azaıtady. Alaıda jazǵy kesteni aýqymdy túrde qysqartý arqyly shamamen 40 myń metrıkalyq tonna otyndy únemdeý kózdelgen.
Kompanııanyń baspasóz habarlamasynda bul ózgerister tabys ákelmeıtin qysqa qashyqtyqtaǵy reıster sanyn azaıtýǵa baǵyttalǵany aıtylǵan.
Josparlanǵan eýropalyq jelini shoǵyrlandyrý Lufthansa Group-tyń alty habynda júzege asyrylady. Olar – Frankfýrt-na-Maıne, Mıýnhen, Tsıýrıh, Vena, Brıýssel jáne Rım qalalary.
Osylaısha jolaýshylar, ásirese alys baǵyttarǵa ushatyn tranzıttik reıster arqyly, jahandyq marshrýttyq jelige qoljetimdilikti saqtap qalady.
Buǵan deıin Lufthansa kompanııasyndaǵy ereýil Germanııa boıynsha kóptegen reıstiń toqtatylýyna sebep bolǵan edi.
Al Halyqaralyq energetıkalyq agenttiktiń basshysy Eýropadaǵy avıaotyn qory mamyr aıynyń sońyna deıin ǵana jetetinin málimdegen.
Aıta keteıik, buǵan deıin Vereinigung Cockpit kásipodaǵy Lufthansa jáne Eurowings áýe kompanııalarynyń ushqyshtaryn 13–14 sáýir kúnderi ereýil ótkizýge shaqyrǵanyn jazdyq.
Jýyrda Lufthansa enshisindegi CityLine kompanııasynyń jumysyn toqtatady.
