«Lufthansa» áýe kompanııasynyń Qazaqstanǵa reısin toqtatý sebebi aıtyldy
ASTANA. KAZINFORM — Kólik mınıstrligi «Lufthansa» áýe kompanııasynyń Qazaqstanǵa reısterin ýaqytsha toqtatý sebebine qatysty túsinik berdi.
«Lufthansa» áýe kompanııasynyń resmı aqparatyna sáıkes, ushýlar 2025 jylǵy 26 qazan men 2026 jylǵy 29 naýryz aralyǵynda kelesi sebepterge baılanysty ýaqytsha toqtatylady.
— Áskerı qaqtyǵystarǵa baılanysty Reseı Federatsııasynyń áýe keńistigin aınalyp ushý kompanııa shyǵyndarynyń artýyna ákeldi.
Áýe kemeleriniń jetispeýshiligi, sondaı-aq jańa ushaqtar men qosalqy bólshekterdiń jetkizilýiniń keshigýi de áser etip jatyr. Qazirgi ýaqytta kóptegen halyqaralyq áýe kompanııa tapsyrys bergen áýe kemelerin ýaqytynda ala almaýyna baılanysty ózderiniń tasymaldaý josparlaryn qaıta qarap jatyr.
Maýsymdyq jolaýshylar aǵynynyń tómendeý úrdisi kóptegen áýe tasymaldaýshysyna tán, — delingen mınıstrlik habarlamasynda.
Mınıstrliktiń málimetinshe Astana jáne Almaty qalalary arqyly ushý kompanııanyń jeke sheshimine baılanysty reısterdiń júktemesin qamtamasyz etý maqsatynda jalǵasyp jatyr.
Aıta ketelik Lufthansa áýe kompanııasy qazaqstandyq jolaýshylarǵa ótemaqy tóleıtini týraly jazǵan edik.