Lýchano Spalettıdiń qamqorshylary joldamany Chempıondar lıgasynyń toptyq kezeńine berip, kúresti Eýropa lıgasynda jalǵastyrady
ASTANA. Tamyzdyń 26-sy. QazAqparat - «Zenıtpen» qarymta kezdesýinde "Oser" oıynshylary Sedrık Angbar men Ireneýsh Elen soqqan dop pıterlikterdi ÝEFA-nyń Chempıondar lıgasyndaǵy toptyq kezeń joldamasynan aıyrdy, dep habarlaıdy UEFA.com.
"Zenıttiń" tálimgeri Lýchano Spalettı kók - aqshyl - kógildirler óz alańynda 1:0 esebimen jeńiske jetkennen keıin oıynǵa osydan bir apta burynǵydan anaǵurlym saq, tájirıbeli quramdy shyǵardy. Danko Lazovıch qosalqy oıynshylar oryndyǵyna attandyrylǵannan keıin Aleksandr Kerjakovke dara forvardtyń róli senip tapsyryldy. Onyń ornyna oń jaq qaptalǵa osydan bir aı buryn ıyǵyn jaralap alǵan, ushqyrlyǵymen tanymal Vladımır Bystrov oraldy. Frantsýzdar alǵashqy kezdesýge qaraǵanda negizgi quramda tek bir adamdy aýystyrýmen ǵana shekteldi. Atap aıtqanda, Valter Bırstyń ornyn kelesi bir shabýyldaýshy Roı Konte basty.
