Lýchano Spalettı Italııa chempıonatyn utqan eń jasy úlken bapker atandy
Shampionat.com saıtynan alynǵan málimetke qaraǵanda, L. Spalettı baptaıtyn «Napolı» klýby syrt alańda «Ýdınezemen» 1:1 esebimen teń túsip, Italııa birinshiliginiń aıaqtalýyna bes týr qalǵanyna qaramastan, chempıon atandy.
Italııalyq maman bul ataqqa 64 jas jáne 58 kúnge tolǵan shaǵynda qol jetkizdi.
Osyǵan deıin L. Spalettı «Zenıt» klýbymen birge 2010 jáne 2011-2012 jylǵy maýsymdarda Reseı birinshiliginde jeńimpaz atanǵan edi.
Kezinde ataqty argentınalyq Dıego Maradona quramynda bolǵan «Napolı» keıingi 33 jylda alǵash ret Italııa chempıony atanyp otyr.
«Napolı» klýby sońǵy bes týrda «Fıorentına», «Monts», «Inter», «Bolonıa» jáne «Sampdorııa» komandalarymen sheberlik baıqasady. Qazirgi kezde neopalıtandyq ujymnyń 80 upaıy bar. Ekinshi oryndaǵy «Latsıo» klýby (64) odan 16 upaıǵa keıin qaldy.
Eske sala keteıik, budan buryn norvegııalyq shabýylshy Erlıng Holandtyń Aǵylshyn chempıonatynda absolıýtti rekord ornatqanyn jazǵan bolatynbyz.
Sondaı-aq, birinshi lıgada «Aqjaıyq» «Qyrandy» 10:2 esebimen utty.
