«Lých-5H» spýtnıkti «Proton-M» zymyrany Baıqońyrdan ushyryldy

BAIQOŃYR. TASS - QazAqparat – «Brız-M» údetkish blogy jáne «Lých-5H» spýtnıgi bar «Proton-M» zymyran tasymaldaǵyshy Baıqońyr ǵarysh aılaǵynan ushyryldy, dep habarlaıdy QazAqparat TASS-qa silteme jasap.

«Búgin Máskeý ýaqytymen 2:13-te «Baıqońyr» ǵarysh aılaǵynyń 200-shi alańynan «Brız-M» údetkish blogy bar «Proton-M» zymyran tasymaldaǵyshy men «Lých-5H» ǵarysh apparaty ushyryldy», - dep habarlady Roskosmos.

Memlekettik korporatsııanyń habarlaýynsha, zymyran shtattyq rejımde jumys istedi. Údetkish qondyrǵy «Proton-M» úshinshi satysynan bólinip, qazirgi ýaqytta spýtnıkti berilgen orbıtaǵa shyǵarýda.

Bul reseılik zymyran tasymaldaǵyshtardyń bıylǵy tórtinshi ushyrylymy boldy. «Proton-M» úshin bul 115-shi reıs, «Brız-M» úshin 107-shi reıs. Zymyran da, údetkish blok ta M.V.Hrýnıchev atyndaǵy ortalyqta jasalǵan (Roskosmosqa kiredi).

Kópfýnktsıonaldy «Lých» ǵaryshtyq júıesi 2016 jyldyń aqpanynda tájirıbelik paıdalanýǵa qabyldandy. Júıe Halyqaralyq ǵarysh stantsııasynyń reseılik segmenti men mıssııany Basqarý ortalyǵy arasynda málimetter almasýdy qamtamasyz etedi.